Sa belajar terima proses

Judul : Sa belajar terima proses

Hidup ajarkan sa satu hal:

tra semua bisa berjalan cepat.

Sa pernah paksa waktu,

paksa rasa sakit supaya cepat hilang,

paksa hati supaya kuat padahal dia masih luka.

Sa lari terus,

tra sadar jiwa sa masih capek di belakang.

Ada saat sa berhenti.

Bukan karena sa kalah,

tapi karena sa tau—

beberapa hal tra bisa ko dorong.

Kayak hujan,

ko tra bisa suruh dia turun sekarang.

Kayak pagi,

dia pasti datang, tapi tunggu malam selesai dulu.

Hidup juga begitu.

Dia tra tuli deng doa,

dia cuma bilang: sabar dulu e.

Sekarang sa jalan pelan-pelan.

Sa belajar terima proses,

belajar dengar detak waktu,

belajar percaya kalo semua ada waktunya.

Karena yang ko paksa cepat,

biasanya gampang patah.

Tapi yang ko jalani pelan,

deng sabar,

dia akan sampai—

pas hati su siap terima.

Featured Post